Mizoram a cricket inelna lian ber Mapuia Memorial Mizoram Cricket League chu Thawh\anni khan Suaka Cricket Ground-ah an khel \an a. |an ni ah tun season a tournament lian pahnih a champion tawh Ramhlun Venglai an chak nghal.
Khawchhia avangin inkhel over tih tlem a ni a, 15 ve ve an khel. Vawm hmasak thlang Kulikawn in RVL hi run 98 an siam tir a. RVL bowler ten run an pek tlem rah sengin Kulikawn hi run 77 an siamin an out zo.
Inkhel hnuhnung zawkah Chhinga Veng CC leh Luangmual CC an inkhel a. Chhinga Veng in vaw hmasa in run 80 an siam a. Luangmual in umin over 9-ah run 50 an siam hman tihin khawchhiat avangin khelh zawh theih a ni lova. ‘No result’ a puan niin point an insem ang.
Vawiin zingah Bawngkawn South CC leh Chanmarians CC an inkhel anga, Kulikawn CC leh Chhinga Veng CC te chawhnuah an inkhel ang.