Pahnihnaah Marseille an nghet

Olympique Marseille in Ligue 1-ah pahnihna dinhmun an sawhnghet a. An mualah Montpellier 2-0 in an hneh.
Pathianni zana Stade Vélodrome a inkhelah Marseille tan Bamba Dieng leh Cengiz Under ten first half-ah goal an khung a. An mikhualte hian inkhel tawp thlengin Marseille hi an chhaih buai hleithei lo.
Inkhel tawp dawnah Montpellier goalkeeper Jonas Omlin chu hnawhchhuah a ni ve bawk.
Marseille hian hmahruaitu ni mek Paris Saint-Germain chu point 12 in an pha lo mek a. Karlehah Parc des Princes-ah an inkhel ang.
Hetihlai hian a sang pali zinga tel tum Nice an chesual chiang hle a. RC Lens tlawhin 3-0 in an tlawm.
Stade Félix Bollaert-Delélis-ah red card vawi thum phawrh a ni a. Minute 17-naah Lens player Massadio Haidara hnawhchhuah a ni a. Tlem zawk chungin Lens in goal hnih an khung a. Nice player Mario Lemina leh Dante te second half-ah hnawhchuah a ni ve bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427