Palestinian-ten nasa takin Josepha thlan suasam

Bible-a lang, Israel hnam pa zinga mi, Josepha thlan nia sawi, West Bank-a mi chu Palestinian-ten an suasam.
Nablus, West Bank-a thlan suasam hi Israeli prime minister chuan ‘uchuak leh awmherh taka thil tihchhiatna’ tiin a sawi.
Tun hnaiah Israeli leh Palestinian-te thihna a thleng nasa a, heng zingah hian Israel ram chhung hmun hrang hranga mi pawng beihnaa thite pawh an tel.
Israel chuan an rama beihna thlentute hi na takin a chhang let zel dawn tih a sawi.
Ningania Tel Aviv-a Palestinian pakhatin bar-a mi a pawngkaha Israeli pathum an thih hnuah Israeli sipaite chuan West Bank-ah hian mi sual dap beihpui an thlak a. Hetih lai vel, Inrinni zan khan thlan pawh hi suasam a ni.
Social media-a video thehdarhah chuan Palestinian-ten thlan chunga light lian tak an tichhia leh a thlan an chhu lai te a lang a. Israeli foreign ministry-in thlalak a tihchhuahah thlan hi hal niin lungte pawh hal niin a lang a. Mei hi a bul lawkah pawh tihalh a ni.
Israel Defense Forces (IDF) thupuangtu, Brig Gen Ran Kochav chuan a titute hi Palestinian venhim hna thawktuten an man niin a sawi.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427