Siaha a T20 cricket inelna Dr. Rakhu ‘L’ Memorial Running Cricket Tournament 2022 chu Thawh\anni khan an khel zova. Final-ah Siahatla CC leh Meisatla CC te inkhelah Siahatla CC in wicket 4 in hnehna an chang.
District Playground, Siaha Vaihpi a final inkhelah hian vuak hmasak thlang Meisatla CC in run 122 an siam a. Hei hi over 16.1 chhungin Siahatla CC in an umpha.
He tournament ah hian team 11 an tel a, pool hnih a \hen niin Pool A leh B-ah league inkhela a sang pahnihte ve ve in semi-final an lut.
Siahatla tana player pawimawh Lallungmuana chu Man of the Tournament a thlan a ni a. Final a tlawm zawka \ang Meisatla player pahnih – PC Malsawmzuala leh Ngurthansanga ten Best Bowler leh Best Batsman chawimawina an dawng ve thung.