Thuthar thehdarhtute hnenah kangmei laka himna zirtir

Fire & Emergency Services Department (F&ES) leh Mizoram Journalists’ Association Gen. Hqrs \angkawpin nimin khan thu thar thehdarhtute pualin kangmei laka himna tura inzirtirna hun ‘Special Training & Awareness Programme for Mediapersons on Fire Saftey & Fire Prevention’ buatsaih a ni.
Hunthar venga F&ES Hqrs. Conference Hall-ah hun hman hi F&ES Director C. Lalthanmawia, MPS in a kaihruaiin thu a sawi a. Nikum nena khaikhin chuan kuminah kangmei chhuak a ziaawm rih viau nia sawiin, F&ES Department hmanrua neih leh force-te an indaih loh em avangin hmun tam takah kangmei a chhuahin ven sen a nih loh avangin, mipui lam pawhin kangmei chhuah palha tih tur leh tih loh turte an hriat a, Fire Department thlen hmaa hma lo lak dan turte inzirtir a pawimawh hle thu a sawi.
He huna khuallian I&PR Director C Lalnunkima chuan hmanrua leh thawktu indaih lo chunga F&ES Department hian Mizoram khawi hmunah pawh kangmei laka mipuite an him theih nana theihtawp a chhuah \hin avangin ngaihsan leh zah an hlawh a, chawimawi an phu tih a sawi.
Khuallian C Lalnunkima hian, “Mizoramah chuan disaster lian lirnghing angte tawk rih lo mah ila, leimin leh kangmei hi kan tuar zing deuh a, kangmei bikah hi chuan mipui lam fimkhur tawk loh vanga chhuak a tam ber,” a ti a. Mi mal in leh dawrte bakah sorkar pisa leh building hrang hrangah kangmei chhuak laka invenna tur emergency exit leh fire extinguisher-te intodelh a pawimawh hle tih sawi a sawi bawk.
Thusawitu dang, MJA Gen Hqrs President C. Lalrambuatsaiha chuan Mizote hi inchhiar zau viau anga lang siin kangmei laka fimkhur dan tur leh inven dan tur kawngah hriatna a zau tawk loh avangin hmasawnna tur lian tak a awm tih a sawi a. Ram changkang zawkah chuan in sak dawn pawhin thil dang karah kangmei laka an invenna tura ruahmanna \ha an siam em tih chu thuneihtuten an endik \hin a. Hei hi Aizawl khaw chhungah AMC-in khauh lehzuala kalpui a tum mek laiin mipui lam zawk hian an hre tam tawk lo nia a hriat thu a sawi.
Tar lan a nih danin, Mizoramah Fire Station 14 a awm a, a thawk hi mi 184 an awm a. Kang\helh motor lian 33, fire bike pahnih leh fire fighting vehicle chi hrang hrang 35 a awm a. Aizawl chhungah fire hydrant (a lian) 41 bun a ni a, veng hrang hrangah YMA enkawl mek small fire hydrant (a te chi) 400 a awm mek bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427