aIZAWL: ZPM party general secretary Lalhmingliana’n thalai zingah ram rorel dan kalphung thlak duhtu an pung zel nia sawiin, party mi leh laina induhsak hluar lutuk mipuiin an duh tawh lo niin a sawi a. MADC inthlanah candidate tha, thangtharte duh zawng an vawrhchhuak anga, hnehna chang tam thei ber tura an inngaih thu a sawi.
Siaha district Hqrs, ZPM chhung inkhawmah he thu hi nimin khan Lalhmingliana chuan a sawi a. “Candidate te lakah worker te pawhin sum beisei lovin, candidate-te phurrit chhawktu worker nih kan tum theuh dawn nia, chu chu ZPM kalphung a ni,” a ti bawk.
Party chhung inkhawm zawhah political training-a chhunzawmin ZPM party general secretary dang Phairothanga’n hun a hmang ve thung a. “Chief minister khawsak danah sorkar leh tur zia a lang lo,” tiin, Chief minister-in kum 2023-ah MLA 30 nei tura a insawi chu a chetzia nen a inmil lo hle nia sawiin, “Tuna a khawsa zia en chuan under-5 ah an awm a rinawm” a ti.
Phairothanga chuan Chief minister chu ‘a chhung te pawisa a kawlsak’ tih ngai khawpin a bank account-ah pawisa a tam a, Kamrula Chhangte leh Zoramchhana hna pawh midang thawh a nih tumahin an ring lo niin a sawi a. Phuahchawp SEDP board 12 kalpui danah pawh mipui lung a awilo nia sawiin, “Health care-ah leiba a tam em em bawk a, CM hla key lak hi a sang lutuk a, a chezia enin sum leh pai enkawl thiamlo leh ram tana thil ṭha ti lo hmel kan hmu daih si a, a inmil thei lo a ni” a ti bawk.
Hripui chhuanlama sum leh pai harsatna tawk nia Chief minister a insawi chu thu dik tawklo a nih thu Phai- rothanga chuan sawiin, “Nikum budget Rs vbc 12,000 bakah supplem- entary-ah Rs vbc 6,000 chuang, a vaiin Rs. vbc 18,000 chuang an hm- ang zova, mipui leh an party mi te ngei pawhin hetiang zozai sum hm- anna hi kan hriatpui thiam lo” a ti a. “Congress vanglaiin MLA 34 an nei a, an dinhmun kan hre tawh a. Tunah kan CM hi MLA 30 chuang neih tum khawsak hian a khawsa lo niin mipuiin an hria a, opposition party-te sawi ngai lovin mipuiin a khawsak dan mak tiin an sawi huai huai zawk,”a ti bawk a ni.