Champhai leh Aizawl inkar maxicab service-ten naktuk a\angin nawrh huaihawta tlan loh an tum a, hemi avanga mipui tawrhna a thlen loh nan Mizoram State Transport bus tlantir a ni dawn.
Thudawn danin March 29, 2022 khan Champhai – Aizawl Maxi Cab Service Owners’ Welfare member pakhat motor, MZ-04-9635 (Hotel Chawngthu) chu Khawzawl Tuisen phai leh Khuai lui inkara highway kawng laitute fimkhur loh vanga lung an tihtlak avangin chhiat a tawk a, hemi an chhiat tawh chungchangah hian tun thlenga kawng laitute leh lirthei neitute an inrem thei lo.
Company thuneituten an intiamna anga hmalakna a awm loh avangin Champhai – Aizawl Maxi Cab Service Owners’ Welfare chuan vawiin a\angin tlan loh an rel a ni.
Maxi cab service a awm dawn loh avangin mipui tawrhna a thlen loh nan MST bus chu vawiin a\angin a tlan tan dawn tih Transport Minister TJ Lalnuntluanga chuan nimin khan Tuipui khawtlang hruaitute nen an inkawmnaah a sawi.
Transport director-in nimina hriattirna a tihchhuah danin vawiin a\angin transport department chuan Aizawl leh Champhai inkarah Delux Bus a service-tir nghal dawn a, bus pakhat chu cham nghalin Aizawl leh Champhai inkarah ni tin Delux Bus hi a chhukin a chho \hin tawh dawn a ni.