Intihhlum chhanah minister puh || Rinhlelh No. 1 ni mah se bân tum lo

Karnataka-a minister pakhat, KS Eshwarappa chu contractor pakhat, tun hnaia intihlum chhungten intihhlumnaa a mawhphurtu berah an puh a, hetih lai hian minister hian a nihna a\anga a bân dawn loh thu a sawi.
Kum 37 mi, Santosh Patil-a chu Thawhlehni khan Udupi-ah intihluma hmun a ni a. A thi tih hriat a nih hma lawka a \hian hnai leh mi \henkhatte hnena WhatsApp-a message a thawnah minister hming hi a tilangin a ei ruk thu a tar lang a. A chhungte chuan police hnenah thubuai thehlutin Eshwarappa chu chu a intihhlum chhan berah an puh.
Patil-a hi Thawhlehni tuka Udupi-a lodge pakhatah a ruang hmuh a ni a. Message a thawn chhuahah hian minister hi a thihnaa mawhphurtu ni ngeia ngaih theihin a tar lang.
A unaupain FIR a thehluhah pawh minister hian intihlum turin a nawr nia tar langin ‘Rinhlelh No. 1’ angin a sawi.
Eshwarappa hi Karnataka-a BJP kaihhruai sorkarah hian Rural Development & Panchayat Raj Minister a ni mek a. A lam\ang hlun tak pahnih, Basavaraj leh Ramesh te pawh FIR-ah hian an hming tar lan tel a ni.
“Santosh Patil-a hian tih dan phung lo takin a hnathawhna pawisa pe turin min ti a. Congress-ho ka zawh duh chu, thuneihna in chan lai khan work order awm si lovin pawisa in pe chhuak ngai em ni tih hi a ni,” tiin minister hian a thiam thu a sawi.
“Bâng tura min ti a nih chuan, chiang taka ka sawi duh chu ka bânna ka thehlut dawn lo,” a ti a. WhatsApp message chu ‘thi tur thuchah’ (death note) anga pawm ngam a nih loh thu leh tu pawhin an chhut (type)-sak theih thu a sawi.
Patil-a message thawn chhuah nia an sawiah chuan minister \huihhruaiten Rural Development & Panchayat Raj department hnuaia hna a thawhna, Rs. Vaibelchhe 4 la chhuak turin he sum a\anga 40% chu an kuta pek an phut niin a tar lang a. He an dilna hi chanchinbute leh a \hiante hnenah thawn darhin amah a intihlum dawn niin a insawi bawk.
“RDPR Minister KS Eshwarappa hi ka thihnaa mawhphurtu a ni a. Thutlukna ka siam ta a, kan prime minister, chief minister, kan hruaitu duh tak BSY (chief minister hlui BS Yediyurappa) leh tute pawh, ka nupui leh fate min lo ngaihsakpui ang che u,” tiin contractor hian a message-ah hian a ziak.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427