Ajax Amsterdam head coach Erik ten Hag chu Manchester United manager thar ni tura puan chuan a ni thuai dawn.
United lam hian inremna engmah an neih thu la sawi lo mahse Netherlands lama chanchinbute chuan club leh mimalten inremna an nei tawh a, Ajax leh United lamin a insawnna tihfel chiah an mamawh tawh niin an sawi.
Kum 52 mi Dutch manager hian Ralf Rangnick chu a thlak anga. November thla a Ole Gunnar Solskjaer thlaktu interim manager ni mai hi club lamah adviser angin a awm thung ang.
Hetihlai hian Ten Hag-a lakluh thu hi Pathianni zana Ajax in Dutch Cup final a PSV Eindhoven an hmachhawn hma chu puan chian a nih a la rinawm lo.
Ajax hi Ten Hag-a hnuaiah hian Eredivisie-ah point li in PSV chungah an awm mek a, a vawi thumna atan tuna an coach hnuaiah champion an tum mek.
Ten Hag hi United hian an lalut a nih chuan Sir Alex Ferguson-a’n kum 2013 a a hna a chawlhsan hnua an manager nghet pangana a ni dawn a. United ah hian kum thum contract a ziak dawn nia ngaih a ni.
United hian Paris Saint-Germain enkawl mektu, Tottenham Hotspur a hna thawk tawh \hin Mauricio Pochettino pawh ngaihven mahse Ten Hag-a hnathawh dan chu an club in kalphung thar neih an tum dan mil zawk niin an ngai.
Hetihlai hian hmun \henkhatah Ajax lamin season tawp thleng Ten Hag hi an club enkawl tir hram an tum a. May 15 a an season a zawh hma erawhin Ten Hag hian United-ah a squad siksawi dan turah erawh thu a nei tawh dawn niin an sawi ve bawk.