Sesawng nula, Lalbiakhluni Colney chuan a music video 12 na turin ‘Ka di enchim loh’ tih chu official teaser video a ti chhuak. ‘Ka di enchim loh’ hla phuahtu hi Vanlalvena Fanai, Bawngkawn niin, music video hi zaithiam tam tak video lo siamsak tawhtu Zova, Kanan Veng kutchhuak tur a ni thung. RK Three Brothers Studio ah recording a nei a, official music video hi hun rei lo teah mipui entheiha phochhuah tuma buatsaih mek a ni bawk. Mizo hmeichhe zinga folksong lam satu kan neih zinga mipui ngaihven hlawh ber pawl Lalbiakhluni Colney hian pipu zai hmangin music video a siam nual tawh a, tun tuma lunglen hla a sak pawh hian mipui ngaihven a hlawh leh hle tura ngaih a ni. A music video then khat pawh ‘million view’ nei a awm nual tawh nghe nghe. Mabiaki Colney hian a music video a siamah ama kutchhuak ngei thuam a rawn in bel leh a, a zaina tam zawk leh music video a mi thuam a hak hi a ma kutchhuak deuh vek a tih theih awm e. Tun tuma music video a puitlin nan hian Roluahpuia Pautu(Mapuia) leh Lalchhuankima Khiangte chuan full sponsored an pe.
Lalbiakhluni Colney MV ‘Ka di enchim loh’ chhuak hnai
One thought on “Lalbiakhluni Colney MV ‘Ka di enchim loh’ chhuak hnai”
Leave a Reply
You must be logged in to post a comment.
Ngaihthlak ka van chak ve, zaithiam ka tih zing a mi.?