Serchhip District-ah March 2021 ata- nga February 2022 inkarah nausen kum khat leh a hnuailam vaccine pek tur target 1111 awmin an zinga 879 (79%) ten vaccine an lak tur zawng zawng an la a. Tun thla ni 12 thlengin kum 18 chunglam mi COVID19 vaccine la thei tura chhut 47731 zinga 39349 (90%)-in dose hnih la tawhin, Precaution dose mi 2448 in an la tawh.
Serchhip district task force on immunization thutkhawma tarlan a nih danin, Serchhip district-ah kum 15-17 inkar COVID19 vaccine la thei tur mi 3305 zinga mi 2132 (69%)-in dose hnih an la tawh a, kum 12-14 te dose khatna pek chhoh mek an ni a, la thei tur mi 2507 zinga 1821 (73%)-in te pek an ni tawh a ni.
Nikum January atanga December th- leng khan Serchhip district-ah Malaria vei mi 45 hmuhchhuah an ni a, an zinga mi 2-in nunna an chan. Malaria kaite hi ram hnathawka riahchilh thinte an tam ber avangin hnathawhnaah fimkhur tur leh inrinhlelhna neite chu rang taka in test thuai turin hriselna lama thawktu ten an ngen.