Assam Rifles-in PDF flag leh badge bakah ralthuam man

Aizawl: 23 Sector Assam Rifles, Aizawl Battalion-in nimin khan Kelsih daiah ralthuam thahnem tak an man a, Myanmar mipui sipai, People’s Defence Force (PDF) flag leh badge an man tel.
Hemi chungchanga thuchhuah an siama an tar lan danin 23 Sector Assam Rifles hian an thudawn bawhzuiin nimin zing lam khan Kelsih daiah lirthei pahnih chu endikin silai leh ralthuam thahnem tak an hmu chhuak a, rinhlelh mi pali an man tel bawk.
23 Sector Assam Rifles-in ralthuam an mante chu – Pump action shotgun 3, .22 rifle 5, Telescope sight 7, Air pellets box 20, Bipod 1, Gelatin kg 3000 leh Gunpowder kg 100 te a ni.
Ralthuam bakah hian Myanmar sipaite do lettu mipui tangrual sipai, PDF flag 10 leh PDF badge box thum an man tel bawk a ni.
Assam Rifles te chuan tun tuma ralthuam an man hi tun hnaia Aizawl chhunga ralthuam an man tam ber tum a nih thu an thuchhuah siamah chuan an tar lang bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427