Mizoram Premier League Under 18 final chu Inrinni zanah khelh a ni a. FC Venghnuai in 1-0 in Chhinga Veng FC hnehin champion trophy an chawi.
Lammual a final inkhelah goal a lut har a, final luh phu tak team pahnihte an inhnehtawk dun hle.
Minute 81-naah inkhel a goal awmchhun a lut a. Venghnuai in freekick an hmuh chu captain Laldanmawia’n a pet a. Chhinga Veng FC goalkeeper Lalhruaizela’n dang mahse a per chu Lalhumhima’n nang fuhin goal-ah a khung.
Venghnuai hi MPL Under-18 ah a vawikhatna atan an champion a. MPL club pariatte kum bithliah inelna hi April 12 khan an khel tan.
Champion: FC Venghnuai
Runner Up: Chhinga Veng FC
Top Scorer: Lalbiakmuana, 7 goals, Mizoram Police FC
Best Player: Laldanmawia, FC Venghnuai
Best Goalkeeper: Joel B Lalramchhana, FC Venghnuai
Best Defender: Lalramsanga, Chhinga Veng FC
Best Midfielder: Aron Vanlalrinchhana, Chhinga Veng FC
Best Forward: Lalnunzira, Chhinga Veng FC
Fairplay: Electric Veng FC