AIZAWL: Mizorama Integrated watershed management program- me (IWMP) kalpui hmasak zinga tel, kum 2009-2010 atanga kal- pui tan Kawlkulh IW- MP project chu Khaw- zawl Bawrhsap CC. Lalchhuangkima Zirtawpni khan a tlawh a. Sorkar project a tawp hnu pawha Society hruaitu ten Kawlkulh IWMP project tha taka an kalpui avanga lawmawm a tih thu a sawi.
Sorkar thuchhuahin a tarlan danin, IWMP hmunah hian Sapthei engemawzat chin mek niin, Balhla leh sumchang thlai dang te an ching tel bawk a, Sapthei te chu Mizoram pawnah an hralh tlangpui thin. Horticulture department hmalaknain Greenhouse tha tak siam niin, hengte hi thlai chin nan hman tangkai tum mek a ni bawk.
IWMP Kawlkulh hmun hi society-in tha takin an enkawl a, mumal takin society hruaitute pawh kum 3 danah an inthlang thin. IWMP hmunah hian Seminar hall sak tel niin, huan neitu ten riah nan an hmang thin tih sorkar thuchhuah chuan a tarlang bawk a ni.