Save Tlawng Lui Project kalpuia April ni 20, 2022 ata- nga Lunglei Zobawka Tlawng lui hnar atanga ke-a Tlawng lui zawhtu Romalsawma’n nimin khan Mizoram chin Bairabi kai a thleng a. Nimin vek khan ‘Save Tla- wng Lui Project’ kharna inkhawm chu Bairabi North YMA hall-ah Minister of State K Lalrinliana hova neih a ni.
Tlawng lui zawh chhuaktu Romalsaw- ma, Mission Vengthlang, Aizawl chuan Tlawng lui chu hum- halh a ṭul takzet tih a sawi a. Mizoram lei- lung hausakna chereu mek chhanchhuahna tur leh ramngaw neih belhna tura penchhuah a hun tawh thu sawiin, “Hemi kawnga hma la tur hian mitin kan pawimawh” a ti.
Tlawng lui a zawhnaa a thil hmuh te atangin Tlawng lui chu humhalh a ṭul takzet tih a lan thu Romalsawma chuan a sawi a. Tlawng lui chu a rin aia a bawlhhlawh thu sawiin, “Tlawng hi kan tui tlan ber a ni a, kan tui tlan ber pawh kan tibawlhhlawh hle a ni tih a hmun ngeia hmuh chuan rilru a na duh hle” tiin, Tlawng lui chuan dynamo leh bomb hmangtea beih a tawk ngei a ni tih a mit ngeia a hmuh thu leh pawi a tih thu a sawi.
Luidung a bawlhhlawh hle tih pawh sawiin, plastic lam chi, tawihral ve theilo bawlhhlawh a tam thu a sawi a. Luite-in Tlawng a finna lai te a bawlhhlawh nasa tih sawiin, Tlawng fintu luite atangin Tlawngah bawlhhlawh a luanglut nasa tih a chian thu a sawi. Lui kal thin te sulhnu bawlhhlawh tak tak a mit ngeia a hmuh thu leh a nghawng tur ngaihtuah lova lui leh a kam vela bawlhhlawh hnutchhiah mai ching an tam tih a lan thu a sawi bawk.
‘Save Tlawng Lui Project’ kharna inkha- wm hmanpuitu Minister of state K Lalrinliana pawhin Mizoram nunna hnar ang hiala ngaih theih mi- pui tam tak tui tlan ber Tlawng lui chhan- chhuah a țul thu a sawi a. Hemi kawnga mipui nawlpui inkaihharhna tura mi inpe tak tak ten ‘Save Tlawng Lui Project’ an kalpui avanga lawmawm a tih thu leh hmasawnna duhawm a thlen ngei a beisei thu a sawi.
K Lalrinliana chu- an tui indaihlohna thleng mek chu ngaihpawimawh neiha, lui dunga thing leh nung- cha humhalh leh tui thianghlim nei tura bawlhhlawh sawngbawl kawngahte ngaihtuahna thar put a țul thu a sawi a. Hydel Project tuikhuah kama lo neih tum țalh awm țhin ten tui hna a tihchhiat țhin thu a sawi bawk.
Save Tlawng Lui Project-ah hian Zotrek, East India Campers leh Mission Vengthlang Adventure Club ten a țul apiangah Romalsawma buaipuiin, a tir atanga a tawp thlengin an vil a ni.