Manchester City tlarhma a ding tur Erling Haaland

Manchester City chuan Norway striker Erling Braut Haaland chu tun nipui a lalut turin Borussia Dortmund nen inremna an neih thu an puang.
Kum 21 mi Haaland hian July thlaah Manchester City hi a pan anga. City in a contract neihlai a Euro maktaduai 60 (Pound maktaduai 51.2) a lei chhuah theihna a neih chu an hmang.

Chiang zawkin
Nikum nipui a an club chanchin a goal khung hnem ber Sergio Aguero chuan Barcelona a pan hnuah City in an tlarhma a khel tur striker an dap a. Tottenham striker Harry Kane chu umzui ngawrh hle mahse a man chungchangah an inrem theih loh avangin tun season-ah senior team-ah striker pangngai han rin tur an nei thin lo.
Club chuan, “Striker Erling Haaland lalut turin inremna kan nei a, club leh player-ten inremna a fel hunah insawnna a chiang ang.” tiin an puang.
Thawhtanni khan Belgium-ah Haaland hian City tana a medical hi a nei a. Kum 2020 January khan Red Bull Salzburg atangin Dortmund hi panin German club tan match 88 atangin goal 85 a khung.
La Liga club lian Real Madrid leh Barcelona te pawhin Haaland hi lakluh duhin an lo ngaihven thin a, mahse a pa club hlui lam pan a thlang zawk.
City hian a man Euro maktaduai 60 hi vawi khatah an pe tla vek dawn lova. Kum nga contract ziakin kar khatah Pound 400,000 vel an hlawh tir dawn nia ngaih a ni a. Star player Kevin de Bruyne hlawh zat ang an pe dawn niin sawi a awm.
Hetihlai hian Dortmund in an tlarhma a khel turin Haaland a club hlui atangin Germany international kum 20 mi Karim Adeyemi an lakluh tur thu an puang ve nghal bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427