India ramah darkar 24 liam ta chhung khan coronavirus kai mi 2,827 hmuh chhuah leh hman niin a hma ni aiin tlemin an tlem hret.
India-ah hian COVID-19 kai hi mi 4,31,13,413 an awm ta a, hri kai enkawl lai zat pawh tlahniam leh hret hret zelin mi 19,067 an la awm tih union health ministry chuan a chhinchhiah.
Darkar 24 liam ta chhung hian mi 24-in thihpui leh hmanin mi 5,24,181-in an thihpui tawh tih tar lan a ni bawk.
Hri kai hmuh chhuah tawh zawng zawng atanga chhutin a kai enkawl lai hi 0.05% an la ni mek a, a kai zinga 98.74% erawh enkawl dam an ni tawh tih ministry chuan a sawi.
Darkar 24 liam ta chhung hian hri kai hmuh chhuah thar aia enkawl dam an tam zawk avangin a kai enkawl lai hi mi 427-in an tlahniam leh hman.
Darkar 24 liam ta chhunga sample endik zinga 0.95% chuan hri an kai tih hmuh chhuah niin chawlhkar khat liam ta chhunga endik zinga 0.82% chuan an kai bawk.