Ram 15-ah ‘The Sound of Magic’ pakhatna a ni!
|| Netflix Korean music drama series lar thut

Korean drama thar, ‘The Sound of Magic’ chu ram 15-a Netflix TV programe-ah pakhatna a ni chiang hle. A pumpui anga ranking-ah pangana a ni bawk.
‘The Sound of Magic’ hi Netflix original series har niin, May 6 khan ram 190 ah tlangzarh a ni.
Drama hmuhnawm tak hi musical film ngaina tan hmaih thiang a ni lova, magician mak danglam tak Ri Eul (Ji Chang Wook) chu tum leh beisei pawh nei tawh lem lo hmeichhe pakhat hmaah a inlar thut mai a, chu chuan a nunkawng leh awmdan zawng zawng a thlak danglam ta. Engtinnge ni zel ang le?
Korean film leh series-a kan hmuh ngai loh ‘music drama’ a nih miau avangin Korean fan te tan paw’n thil dangdai tak a ni tlat mai. Heti anga zai a, lâm bawk hi korean actor te tihdan phung pangngai a ni lo.
Thil thar hmelhriattirna ni bawkah hian Director Kim Sung a fakawm a, musical layout tha tak mai a phochhuak ngam leh a tawktarh lui ngam hi a huaisenzia a tarlang chiang awm e. A fak awm thlawt!
‘The Sound of Magic’ hi ram 42 bika ram 15-a TV programe en hlawh leh nasat ber a ni tawh a, heng ram- Bahrain, Bangladesh, Hong Kong, India, Indonesia, Jordan, Kuwait, Malaysia, Maldives, Oman, Pakistan, Philippines, Qatar, Saudi Arabia leh Sri Lanka ah te a tla na rem rem hle.
He series hi May 6 a tlangzarh kha mai kha a la ni a, hun a rei ang a, ram a lak duai duai beisei niin, Korean taste dangdai tak tem chhin duh tan hun tha lo inherchhuak hi nang pawhin hmaih hauh suh ang che.
Zai leh lam, hla mawi leh luingkuai tak ngaithla phah a, maigician Ri Eul chet dan thlir dauh dauh pahin i hun leh hmun hnawhkhat rawh le. Weekend a lo thleng leh ta reng mai a, he hun tha hi tangkai taka hmangin Netflix hmechhuak keuh la, a bak dang zawng chu ‘The Sound of Magic’ in a ti vek mai ang.

Leave a Reply

Your email address will not be published. Required fields are marked *

error: Content is protected !!