aIZAWL: Lunglei Mu- nicipal Council (LMC) din thar tur atana ZPM party-a LMC election committee chairman TBC Lalvenchhunga’n sorkar mumallo avangin LMC inthlang tura ruahmanna felfai a la awm rih lo nia sawiin, ruahmanna felfai la awm lo mahse, ZPM party chu LMC inthlan atan theihtawpin an inbuatsaih niin a sawi.
Mizoram sorkarin kumin chhûng ngeia LMC inthlan buatsaih a tum thu UD&PA cha- ngtu, Deputy CM-in a sawi nawn leh avângin ZPM party pawh theihtawpin an inbuatsaih nghal niin TBC Lalvenchhunga chuan a sawi a. Municipal din tûra ward delimitation pawh tihfel a la nih loh thu leh electoral roll pawh ruahmanna fel a la awm loh thu sawiin, thuneihna a ken chin tur emaw a ruangam, executive body pawh la peih loh leh sum mamawh pawh budget-ah nuai 80 chauh dah nimahse ZPM chu inthlan hma- chhawn thei turin theihtawpin an inbuatsaih tih a sawi.
ZPM chuan LMC election committee dinin, ZPM southern hqrs-a hemi lam buaipui tûra committee an din te nên pawh an thukhawm tawh a. An kalphung tur leh hmalak dan tur te pawh felfai taka siamin, kawng hrang hranga mawhphurtu tur te pawh an inruat nghal niin an sawi.
TBC Lalvenchhunga chuan LMC din tûrin Mizoram sorkarin felfai taka mawhphurhna leh thuneihna a pêk chin tûr emaw, inrêlbâwlna tûra sum hnâr târlan fak a nei rih lo leh hnathawk tûr executive body mumal pawh a la din lo leh sum ruahmanna budget-ah a la dah lo chuan sorkar mumal loh zia a lantir niin a sawi a. “Ruahmanna leh hmalâkna awm lemlo chunga mipui min barh thut hi MNF sorkar kalphung a nih avangin hrileng avanga mipui mamawh RT-PCR in a thlen chin kan hmu a, kan mamawhna leh mamawh dan pawh inrawnna mumal awm lova Municipal Council inthlan buaipui em em sorkar hi thlak turin ZPM party chu kum 2023 a rorelna khawl chelh tûrin a inpeih reng a ni, a ti bawk.