ISL 2022 : Delhi Capitals palinaah an kir

Run siam harsatna pitch-ah Delhi Capitals tan Mitchell Marsh chuan half century pawimawh tak a siam a. Ball hmangin Shardul Thakur-te ho che leh bawkin Capitals in Thawhtanni zanah run 17 in Punjab Kings an hneh a, palina an luah mek.
Dr DY Patil Sports Academy ah Punjab in vawm an thlang a. Marsh-a’n fimkhur taka inlanin thutlukna a siam dik chat chat a, ball 48 atangin run 63 a siam.
Punjab bowler zingah tunge ngam taka vuak tur leh tu lakah nge fimkhur tur tih a thlang thiam a, a vuak hun tur a thlang thiam bawk.
Chak tura run 160 siam mamawh Punjab Kings tan Jitesh Sharma chuan huaisen takin ball 34 atang run 44 siam mahse 142 bak an tlin lova. Match 13 an khelh atang vawi sarih an tlawmna niin an tan playoffs khelhna kawng a ping tawh tluk a ni.
Capitals tan Punjab wicket pawimawh pahnih a tira latu Shardul Thakur-a’n wicket hnuhnung pahnih a la bawk a. Over 4 vawmin wicket li a la. Axar Patel leh Kuldeep Yadav ten wicket hnih ve ve an lak bakah Jonny Bairstow wicket la tu Anrich Nortje a tangkai.

Leave a Reply

Your email address will not be published. Required fields are marked *

error: Content is protected !!