Mi pawngsual leh thah thubuaia rinhlelh kai ber pakhat, Forizul Rahman chu man tuma an veh laia tlanchhiat a tum laiin police-ten an kap.
Rahman-a hian hliam a tuar a, Fakruddin Ali Ahmed Medical College and Hospital (FAAMCH), Barpeta, Assam-ah enkawl mek a ni.
Inkahna hi Bedlangmari, Kokrajhar district-a police-in beihpui an thlaknaa thleng a ni tih by Assam Police-a Special DG GP Singh chuan a sawi.
“Kokrajhar-a mi pahnih pawngsual leh thahnaa rinhlelh ber hi Bedlangmari, Salbari bula police-in an zawn laiin tlanchhiat a tum a. Kah a nih phah a, hliam tuarin damdawi inah dah a ni,” tiin Singh hian Twitter-ah a tar lang.
Kokrajhar-a pawngsual leh mi thahna thlengah hian a titu-ah mi pasarih puh an ni a. Rahman bakah hian Nasibul Ali Sk leh Muzammel Seikh te chu police hian an man tawh.
An pawngsual nia sawi hi Kokrajhar-a kumtlinglo pahnih an ni a, an pawngsual rawn hnuah an that zui nia hriat a ni.
Hmeichhe naupangte hi Kokrajhar district-a Abhiyakuthi khuaah an ruang thinga khai chu June 11 khan hmuh a ni.