Hripui leng meka inkharkhip leh vaccine lak tul ti lo bur thin Eric Clapton chuan Covid-19 hripui a kai ve ta a, European show pahnih a cancel nghal.
Rimawi khawvela guitarist lar hian tun thla tir khan Albert Hall, London-a show a nei a, hetah hian hri a kai ngei nia hriat a ni.
Hetih lai hian Zurich, Switzerland leh Mila, Italy-a show neih tur erawh a ngai anga kaltlangpiu a tum thung. “Royal Albert Hall-a show a nei zo kha Covid-19 test a paltlang zo lova, vanduaithlak takin hripui a kai hlauh mawi,” tiin thuchhuah siam a ni.,
Doctor te chuan chawl hahdam turin thurawn an pe a, dam chiang mang lova khualzin leh zai a kalpui lui a nih chuan damchian tak tak a hlat hle dawn niin, an hrilh.