Aizawl: ZPM party president Lalliansawta’n, “ZPM party hi kum 2023-ah chuan Mizoramah sorkarna kan chan tawh ngei a beiseiawm,” tiin party dang thatna a tawp titih tawh niin a sawi.
MADC inthlan zawh taka ZPM candidate leh ZPM-in a thlawp independent candidate-te lawmthu hrilha zin chhuak ZPM president chuan he thu hi nimin khan Siaha-a an party pisaah a sawi a. ZPM candidate leh ZPM-in a thlawp independent candidate-te chu tling zo rih lo mah se an ngaihhlut thu sawiin, ZPM chi an kui tiah chu par chhuaka rah tha a chhuah theihna tura chawm leh pawh an kuta a awm thu a sawi.
ZPM president chuan MADC inthlan chuh turin tun dinhmunah ZPM tan harsatna chin tam tak a awm thu sawiin, MADC-a an dinhmunte thlirin, sorkarna siam thei an ni lo tih a chiang chunga huaisen taka ZPM candidate tura pen chhuakte chhuanawm a tih thu a sawi bawk.
Siaha-ah hian ZPM party president chuan mi thar 142 a lawm lut niin ZPM party thuchhuah chuan a tar lang bawk.