Khaw lum takin a tuam hnuah Delhi khawpui hmun \henkhatah ruah a sur a, khaw lum uchuak pawh tlemin a tidai.
Hmun thenkhatah chuan ruahpuivanawn leh thli na tak a thawk a, a han meuh chuan a hmaa khaw lum uchuak chu a vawng dai a, khaw lum lam pawh a tihniam hle.
Weather department chuan Inrinniah pawh hian thli leh ruah a sur an ring a. A sur chiah lohna hmunah pawh chhum tamin hei hian ni thum ni li vel chhung chu khua a vawng dai thei dawn niin an ngai.
Ningani khan ram khawpui berah hian khaw lum leh vawh dan an tehna hmun ber, Safdarjung-ah chuan a lum lai berin 43.6°C a la ni a, hei hi a nih dan thin pangngai aia 3°C vela lum a la ni tho a ni.
Tar lan fo tawh angin kuminah hian Delhi leh a chhehvel hian khaw lum uchuak tak a tawng hma hle a. Mi thiamte ngaihven pawh a tling.