Rimawi khawvela Thim Lalfapa tia hriatlar Ozzy Osbourne chu tunlai hian a kal tha hlei thei lova, a nghawng zai hmabakin a awm.
Black Sabbath legend ni bawk hian 2003 kuma quad bike accident a tawh atang khan insawiselna neih neuh a nei chho nghal a, kha thi thleng khan a nun ram thlegnin a vaw chau. Dam tha tak takin a awm tawh lo.
Classic Rock magazine-in a kawmnaah, “Ka nghawng an zai theih hun nghakin ka thu mek. Tunlai hian ka kal tha hlei thei lova, ka ke pen a buai nak mai. Zing tin physical therapy ka la thin. Ka tha viau angin lang mah se, han chechhuak tak tak tur chuan ka taksa hi a der dep hle si a ni,” tiin Ozzy hian a sawi.
Heti ang hi a nih vangin insawisel reng renga dam chhung hun hman chu hahthlak a ti hle thin. “Kum 73 mi ka ni tawh a, hlawhtlinna duhawm tak tak ka tawng tawh. Tlangchhiatna tur ka zawng hran lo. Mahse, ka hun tawp hi chu a hnai ve hret hret zet zawng a nih hi,” a ti chuai raih.
Tunhnai khan Covid-19 in a tibuai viau tawh bawk a, Ozzy tan nun a khirh chho hle a ni.