French Open chu Pathianni zanah khelh tan a ni a, hmeichhe lamah seeded number 6 nihna hauhtu Ons Jabeur chu a tla nghal.
Tunisian mi Jabeur hi kumin a clay court season-ah a chetthat avangin Roland Garros-ah thleng thui zinga tel tura ngaih a ni a. Nimahsela world number 52 a khingpui lakah 3-6 7-6 (7-4) 7-5 in a tlawm.
Jabeur hi Paris a inelna tan hma hian clay court tournament pathumah final a khel.
Champion hlui Garbine Muguruza pawh a tla nghal a, Kaia Kanepi lakah 2-6 6-3 6-4 in a tlawm.
Mipa inelna lamah Carlos Alcaraz, Felix Auger-Aliassime leh Alexander Zverev ten an khingpui hnehin round dawt leh an lut vek.