Aizawl: Saitual Horticulture Office chu rawk a ni a, Iron-safe ruk bo chu him taka hmuh leh a ni.
Nimin khan Saitual PS chuan District Horticulture Office rawk a nih thu a dawng a. Report dawn a nih veleh SDPO, Saitual hovin Saitual PS duty-ten Horticulture Office hi an pan nghal a, enquiry neiin office rawk a nih dan an chhui nghal a, office iron safe, a chhunga lekha pawimawh leh pawisa Rs.nuai ruk vel awm chu ruk bo a nih tih hriat a ni.
Police-te chuan in rawkna thleng chungchangah hian hma la nghalin office chhehvelte an dap nghal a. Horticulture Office atanga meter 150 vela hlaah iron safe hi him taka hmuh a ni.
Rukrute man chhuak tur hian hmalak chhunzawm zel a ni a, FSL team pawh Aizawl atanga chah chhoh a ni bawk.