Senile/atrophic vaginitis hi hmei-chhia ten serh na leh sa huai huai vanga harsatna/natna an neih hi a ni a. Hemi awm chhan ber chu an serh a tihrawl te an lo sawng tet vang leh, an serh ti naltu hnang te an lo tlem tak vang a ni a.
Oestrogen an lo neih tlem tak vanga heng harsatna hi rawn awm a ni a. He harsatna hi thi hul tawh hmeichhiate hian an nei tlangpui thin.
A chunga sawi ang hian senile vaginitis hi oestrogen tlem vang a awm a ni a. Tin, hmeichhe thi hul tawhah a thleng deuh ber a. Chi bawm (ovary) paih ngaih vanga zai tawk hmeichhe la valai takah te pawh a awm thei bawk a.
Hmeichhe thenkhat chuan nau an neih ve leh emaw, hnute a naute an chawm emaw lai hian an nei bawk a. A chhan chu hetih hunlai hian oestrogen hi a tlem thin vang a ni. Senile vaginitis awm theihna chhan tlangpui te:
Thi hul (menopause)
Chi bawm hnathawh chak tawk lo
Radiation hmanga enkawl
Chemotherapy
Taksa a natna dotu te hnathawh chak tawk lo
Nau hnute pek hun laia hnute siamtu a pun in
Anti oestrogen awm telna damdawi ei
Thi hul hma a thil dang vang ni lova oestrogen a tlakhniam
Meizial zukHmeichhe tam zawk te’n harsatna an tawh thin, he senile vaginitis hi kawng hrang hrang in a lang-chhuak thin a. A lanchhuah dan langsar deuhte chu :
(a) Serh na, thak leh sa
(b) Zun laia serh na leh sa
(c) Sex hman laia na leh hrehawm
Senile vaginitis anih leh nih loh hriat nan hian kumkuruh exam (pelvic examination) hi an ti thin a. Serh a lo sawnga, a rawng a lo dan (pale) chuan senile vaginitis hi a ni tlangpui a. Thi hul leh hul loh a chian loh chuan hormone test pawh an ti bawk thin.
Laboratory a test neih anih chuan serh hnawn dan leh serh a cell awmte hi an en thin a. Zun kawng an endik bawk a. Serum hormone awm tam dan te an en bawk thin.
Oestrogen taksa a luang kual te an tlakhniam thin hi he senile vaginitis awm chhan ber hi a ni a. A tihnep nan hian hormone replacement therapy hi a rintlak deuh ber a, awmzia pawh a nei ber bawk.
Topical oestrogen cream emaw a tablet emaw hi an hmang bawk a. Heng damdawi te pawh hi he harsatna sutkian nan hian an tangkai hle bawk. Mipat hmeichhiat hman laia serh na thin hi water-soluble vaginal lubricant hmang hian a tihnep theih.
Mipat hmeichhiat hman laia serh na thin te, serh thip leh sa nei thin te hi tel/mawm (lubricant) hnawih hnu ah pawh a reh thei lo a nih chuan damdawi dang hmanga enkawl a ngai thin a. Doctor pan thin tur a ni.
Hmeichhe thi hul tawh te ah chuan mipat hmei-chhiatna hman that hian he harsatna hi a tinep thei a. Mipat hmeichhiat hman hian serh bawr vela thisen kal kual a ti tam a. Chu chuan serh bawr vela tihrawl te a siam tha thei thin a ni. Hetih lai hian nsawiselna i neih chuan doctor pan vat tur.