India-ah darkar 24 liam ta chhung khan coronavirus kai mi 3,712 hmuh chhuah leh hman niin mi 4,31,64,544-in an kai tawh.
Hri kai enkawl lai zat pawh pung zelin mi 19,509 an la awm mek niin union health ministry chuan a tar lang.
Darkar 24 liam ta chhung hian mi pangain COVID-19 hi thihpui leh hmanin mi 5,24,641 an thi tawh a, thi chhinchhiah tharte hi an vai hian Kerala-a mite vek an ni.
Hri kai hmuh chhuah tawh zawng zawng atanga chhutin a kai enkawl lai hi 0.05% an la ni a, 98.74% erawh enkawl dam an ni tawh tih health ministry chuan a sawi.
Darkar 24 liam ta chhung hian hri kai hmuh chhuah aia enkawl dam an tlem zawk avangin enkawl lai hi mi 1,123-in an pung a ni.
Darkar 24 liam ta chhung hian sample endik zinga 0.84%-in hri an kai tih hmuh chhuah niin chawlhkar khat liam ta chhunga endik zinga 0.67%-in an kai bawk.
Hri kai zinga mi 4,26,20,394 chu enkawl dam leh tawh niin thihpui hi 1.22% an ni.
Invenna pek beihpui thlak kal zelah vaccine dose vaibelchhe 193.70 pek a ni tawh.