District Council te hi en dan tawk kan thiam a tul awm e
Mizoramin District Council pathum kan nei a, heng MADC te hi an chiri vek vek chuan chiri ve thei tak an ni. Tin, state a sorkar laite lamah an kal duh hle bawk. An nghet lo tlangpui ni pawhin a hriat.
Tun hnai lawkah Mara Autonomous District Council an inthlang a, seat la tam berin sorkar na an siam thei chuang lo a, rin loh deuhin Mizoram a political party lian pahnih Congress leh MNF in sorkar intawm an siam ta hlauh thung.
Thil hi mak deuh deuh hian a thleng a, rin loh deuh deuhin min hmuak ni ber hian a hriat thin. Chakma Autonomous District Council lamah pawh vawi tam sorkar siksawi a ni a, party awmna lam thlak kual sek hlawm mah se, vawiin thlengin sorkar mumal an la nei thei lo a, Larsapin Governor’s rule-a dah mai duh tawh mah se, Council of Ministers thukhawm chuan Governor’s Rule-a la dah rih loh an ti thung a, CADC lamah hian MNF in anmahni hlangin sorkar na an siam hnu ngei pawhin anmahni chhungah lungawi lohna awmin, an phar tla tho.
Hetiang teh nuai hi kan district council te dinhmun hi a ni thin a, state sorkar a inthlak apiang hian a ni zual thinin a hriat bawk. Amaherawhchu, hnam leh chibing deuha awm an nih tlangpui avangin hriatthiamna thui tak nena en dan tawk kan thiam thin erawh chu a ngai lawi thin si niin a lang. Engpawhnise, kan district council te hi a ler atanga thuai mai lovin, anmahni mil tawk zela kalpui dan kan zirte pawh a tul awm e.