Assam nu pakhat chu India-a a hmasa ber atan a malpui ruh chhunga cancer zungzam lut tawh avangin ruh lem lian chi dahsakin a kala cancer awm tawh pawh hlawh tling takin an paihsak bawk.
He hmeichhia hi kum 54 mi a ni a. A malpui ruh tha lo avangin rei tak na tawhin thla hnih zet a mu tawk tawh a. A dinhmun chiang zawka hre tura Apollo Proton Cancer Centre an pan hnuah biopsy lak niin kal cancer 4th stage a lo ni tawh a, a cancer zungzam hi a malpui ruhah hian a lo lut tawh bawk.
A malpui ruh, ruh lema thlak tur hian darkar ruk chhung zai a ni a. A khum nena an inzawmnaa bawk (tumor) chu paihsakin ruh lem lian chi hian an zawmsak a ni.
A kala cancer awm pawh hi ensak niin an zai hawnsak a, a cancer bik hi hlawhtling takin an paihsak bawk.
Zai zawh a nih tuk atangin a dinhmun pawh a kang nghal a, thla thum hnuah chuan kein pangngai takin a kal zui thei ta a ni.
Dr. Prathap C Reddy, Chairman, Apollo Hospitals chuan, “Apollo Proton Cancer Centre-ah hian ruh lam hi kan buaipui nasa a, inzai hlawhtling tak kan nei a. Kan clinician team pawh Apollo Group chuan kan chhuang tak zet a ni,” a ti.