Manchester United chuan Denmark playmaker Christian Eriksen chu free transfer a lakluh theih an inbeisei a, kum 30 mi hian Brentford a contract a neih chu a hmang zo dawn tawh. (Sunday Mirror)
United hian Barcelona atangin Dutch midfielder Frenkie de Jong, 25, chu lakluh theih an la inbeisei hle bawk. (Sport)
Arsenal chuan Manchester City leh Brazil striker Gabriel Jesus, 25, chu Emirates Stadium a insawn turin kar khatah Pound 190,000 hlawh tir an inhuam. (The Sun on Sunday)
Barcelona chuan Liverpool a khel Egyptian striker Mohamed Salah, 29 chu nakkum nipuiah lakluh an tum tur thu an hriattir. (Sunday Mirror)
Liverpool hian Senegalese attacker Sadio Mane, 30, an chhuahtir ngei dawn nia a lan avangin Leeds leh Brazil winger Raphinha, 25, lakluh tuma intlansiaknaah an tel ve dawn. (Sunday Mirror)
Chelsea chu Barcelona leh France forward Ousmane Dembele, 25, lalut tura hming ri ring ber an ni mek a, tun thla tawpah contract a neihlai a hmang zo dawn. (Talksport)
Roma manager Jose Mourinho chu Paris St-Germain enkawl tura hming sawirik zingah a tel a, Zinedine Zidane nen tu zawkin nge Mauricio Pochettino thlak dawn tih zawhna a tam. (Daily Mail)
Tottenham, Newcastle leh Aston Villa te chuan Belgium winger Yannick Carrasco chu an ngaihven vek a, kum 28 mi hi Atletico Madrid atangin an inchuh dawn. (Fichajes)
Tottenham hian Newcastle United a khel mek kum 25 mi French attacker Allan Saint-Maximin chu lakluh an duh bawk. (Football London)
Newcastle United hian Hugo Ekitike lalut turin Reims nen inremna an nei a, a man ah Euro maktaduai 30 an pe tla phawt ang. (Fabrizio Romano)