Bon Jovi band dintute zingami original bassist Alec John Such chu kum 70 mi niin a tha.
Such hi kum 1983 atanga 1994 thleng khan bassist niin, hla hit tak tak- You Give Love a Bad Name, Livin’ on a Prayer leh Bad Medicine te nena rimawi khawvela hming an chherna ah khan thawhhlawk zingami a ni.
Band member te inkara inunauna leh thawhhona tha zawk a awm zel theih nana mi tangkai tak niin, a thih thu hian band member hlui leh thar te a barakhaih nasa hle.
A thih chhan tak hriat a ni lova, a thihna hmun tarlan a ni lem lo bawk.
Jon Bon Jovi chuan, “Band din a nih dawn khan Alec hi a kila lung pawimawh tak a ni a, amah kaltlangin member dangte pawh kan inhmu-khawm thei chauh zawk a ni,” a ti.
Naupan laia a thiantha drummer Tico Torres, guitarist leh hlaphuahthiam ni bawk Richie Sambora te hi a hruailuh te an ni a, Bon Jovi tih hmingpu in rimawi khawvela hming dai leh ngai tawh lo turin a chawrchhuahpui a ni ber.
“Khang hun laia thil thleng te khan hmel hlim min puittir laiin, mittui a sur tir thung a ni. Kan ngai ngawih ngawih dawn a ni,” tiin a sawi.
Kum 2008 a Rock & Roll Hall of Fame-a Bon Jovi lakluh an nih khan a thiante nen an inlan ho a ni.
Alec hi November 14, 1951 khan a piang a, zaithiam leh musician te chawchhuahna ni hiala sawi laih laih tur khawpa New Jersey hming chawi-vultu a ni bawk.