Aizawl: PC Thalai chuan thuchhuah siamin Champhaia tlawmngai pawl intelkhawmten Champhai leh a chhehvel a grape chingtute hmakhua ngaia an hmalakna an thlawp thu leh an thil phutte a rang thei ang bera tihhlawhtlinsak turin Mizoram sorkar an phut tih an sawi.
“NGO Co-ordination Committee Champhaiten grape chingtute thar chhuah suma chantirna kawnga harsatna siam lo turte, an thawh phu tawk hlawkna an hmuh theihna tur kawng dappui tura sorkar an phutna te hi awm kan tihpui a. A rang thei ang bera tihhlawhtlinsak ngei turin Mizoram sorkar kan phut,” an ti.
PC Thalai hian Excise & Narcotic Department ten Champwine case 600 an mansakte chu a rang thei ang bera pe kir leh turin Mizoram sorkar an phut thu an sawi bawk.