India-ah darkar 24 liam ta chhungin coronavirus kai mi 4,270 hmuh chhuah leh hman a ni a, mi 4,31,76,817-in an kai ta.
Hri kai hmuh chhuah thar hi a hma ni aiin 34%-in an tam zawk tih union health ministry chuan a tar lang.
A kai enkawl lai hi mi 24,052-ah a chho leh tawh a, mi 15-in thihpui leh hmanin mi 5,24,692-in an thihpui tawh.
Hri kai hmuh chhuah tawh zawng zawng atanga chhutin a kai enkawl lai hi 0.06% a la ni a, 98.73% erawh enkawl dam an ni leh tawh thung.
Darkar 24 liam ta chhung hian enkawl dam aia a kai hmuh thar an tam zawk avangin enkawl lai hi mi 1,636-in an pung leh hman.
Darkar 24 liam ta chhung hian sample endik zinga 1.03% chuan an kai tih hmuh chhuah niin hei hi May 1-a 1.07% a nih hnua a san leh ber a ni a, chawlhkar khat chhunga endik zinga 0.84%-in an kai bawk.