Wales in kum 64 an nghah tawh an nghak chhuak a, kum 1958 hnua a vawikhatna atan World Cup an khel dawn.
Cardiff City Stadium a inkhelah hian Wales in ni li kalta a Scotland hnehtu Ukraine an hmachhawn a. An khingpuite hian fakawm takin football khel thei mahse chak nan a tawk lova. Wales 1-0 in an chak.
First half a minute 34-naah Gareth Bale-a free kick pet luh chu Ukraine captain Andriy Yarmolenko chuan an lamah a tauh lut palh a. Inkhel a goal awmchhun niin Ukraine uiawm takin an tlawm.
Wales tan hian Bale-a’n goal a khung teuh a, substitute Brennan Johnson chuan goal ban a pet per bawk.