Amber Heard-i’n lehkhabu tharah Johnny Depp thin khei ang em?

A pasal hlui laka hnehna chang zo lo Amber Heard-i’n $Maktatuai thahnem tak man tur lehkhabu ziak tura indawrna a pawm ta nia hriat a ni.

Media hrang hrang tarlan danin, Amber hian atan Hollywood zinkawng a tawp fel taah a ngai a. Lekhabu a ziah turah a phur hle. Hetah hian a ruh langin thil tam tak a ziah rin a nih rualin, a pasal Johnny Depp-a’n a khinlet theihna tur thu leh hla erawh a ziah lan loh ngam a ngai mai thei bawk.

Kum 36 mi hi sum leh paiah a tlachhe hle-a report a ni a, Court-in zangnadawmna cheng maktaduai 10 chuang pe tura a hriattir pawh hi a tlak thei chiah ang em, hriat a ni lo.

Lehkhabu ziak tura indawrna hi a pawm fel a nih erawh chuan $Maktaduai tam tak a dawng ngei dawn a, thawpik zualpui a zia ang.

Johnny Depp nena an intawn dan, inngaihzawnna boruak leh nupa an nih hnu lam thlenga a thil tawnte a ziak lang thei dawn a, mipui ngaihven a hlawh hle turah an ngai.

Fimkhur tur erawh a awm ngei dawn a, 2018 kuma chanchinbu pakhata a thu ziah, In chhungkhura kutthlak tuar dam khawchhuak ni angin a ziak a, hming hmerin tarlang lem lo mah se, a pasal hluiin a khing buai ta tho. Amber tan pawh rilru fim taka ziah leh ziah loh tur a thliar a ngai dawn a ni.

Leave a Reply

Your email address will not be published. Required fields are marked *

error: Content is protected !!