Bundesliga-ah Gotze a kir

German midfielder Mario Gotze chuan kum hnih a chhuahsan hnuah Bundesliga-ah football a khel leh dawn a, Eintracht Frankfurt a zawm.

Kum 30 mi Gotze hi kum 2014 World Cup final a Germany chakna goal khungtu niin German football a an ‘hero’ zing ami a ni a. Kum 2020 khan Borussia Dortmund-ah kir lehin beisei ang erawhin hun a hmang lova. Netherlands panin PSV Eindhoven tan a khel zui.

PSV tan Dutch Super Cup leh KNVB Cup chawiin vawi 77 a inkhelh chhungin goal 18 leh assist vawi 18 a nei a. Eintracht hian an club hnenah kum 2025 thleng contract a ziah thu an sawi.

Sporting director Markus Krosche chuan, “Mario Gotze ang player in sawmna dang kara Eintracht Frankfurt a thlang hian thil tam tak a sawi a, he club a tunhnai kum engemaw zah chhunga hna kan thawh that a tilang.”

“Football-ah a theihna ka sawi leh chuan a ngai lo. Kan player mamawh ang tak a ni a, khelmuala kan result-ah thui takin min pui ngei ang.” a ti.

Leave a Reply

Your email address will not be published. Required fields are marked *

error: Content is protected !!