Khatla TBL in overtime vawi thumnaah Chanmari Vikings an lehthal

Mizoram Super League season 7 a inkhel hmuhnawm ber zinga tel ngei turah Khatla TBL an ‘comeback’ a. Chanmari Vikings nen inkhel intluk tawn takah over time vawi thum an khelh a ngai a. 99-94 in Khatla TBL an chak.

Ningani zana inkhelah Chanmari leh Khatla ten bucket an inlak chhawk ngat ngat a, inkhel tan tir atangin an hmuhnawm.

Defense-ah team pahnihte an tang thei a, an foreigner pahnihten ‘two way basketball’ khelin an team tan an tangkai.

Halftime-ah Vikings in 39-40 in hma an hruai a. Third quarter-ah TBL in a zawna bucket lak an neih nual avangin hma an hruai a. 4th-ah Vikings hun thleng ve thungin hun pangngaiah 76-76 in an intluk.

Over-time hmasa berah point 5 ve ve an score a, OT2-ah Vikings chak tur chu huntawp hamrik rualin TBL in bucket la in an dang hram a. 3rd quarter-ah erawh TBL tana che ‘bon’ Vanlalrinchhana’n a zawnin 3 points vawi hnih lutin a team dinhmun thaah a dah a, hnehna nemnghet turin vawi khat dang a luh belh leh bawk.

Zotlang tlangval Rinchhana hian point 28 score in 3 points vawi 13 atang vawi 8 a lut a, a team chak chhan a ni. Levi Bradley Jr. pawhin 28 leh rebound 10 thawhin Vanlalthazuala chuan pouint 17 a score.

Chanmari Vikings tan Raymond Edward Miller Jr. chuan point 41 leh rebound 24 a la ve thung.

Ningani tlai dar 5-ah double header a inkhel hmasa zawk khelh a ni a. Zarkawt BCA in Mission Veng Hotshots chu 91-83 in an hneh.

Zarkawt BCA tan Matthew Remtluanga Sailo chuan point 25 a score a, Joseph Allen chuan point 21 score bawkin Zonunsanga leh Lalrina Renthlei ten point 15 leh 13 an thawh.

Mission Veng Hotshots tan Josua Aaron Keyes chuan point 27 score in Lalrozama chuan point 20 in a thlawp.

Leave a Reply

Your email address will not be published. Required fields are marked *

error: Content is protected !!