Lukaku loan atan club te an inrem

Serie A club Inter Milan chuan thla 12 kalta a Chelsea hnena an hralh Romelu Lukaku chu an chhawr leh dawn a, loan a hawh turin club pahnihte an inrem.

Blues chanchin a player manto ber ni tura Pound maktaduai 97.5 a an lei striker hi Inter in Pound maktaduai 6.9 in an hawh dawn a, Inter in season a hlawhtlinna an neih dan a zirin Pound maktaduai 3.4 an pek belh thei ang.

Chelsea chhuahsan a Inter a kir a duh em avangin Lukaku hian Blues a contract a neih meka a hlawh chu 30% a tihhniam a remti a. A hlawh hi Inter Milan lamin an pe ve thung ang.

Chelsea neitu thar Todd Boehly leh a thawhpuiten Lukaku contract lian tak avangin chhuahtir an duh a. Hetihlai hian an tlarhma lama tichak turin Manchester City forward Raheem Sterling an ngaihven.

Leave a Reply

Your email address will not be published. Required fields are marked *

error: Content is protected !!