Zelensky hi ka ‘Hero’: B.Stiller

Hollywood actor lar Ben Stiller chuan Ukraine leilung a rah hnu ah a thil hmun leh tawn te’n nasa taka a brakhaih thu leh indo movie siam tawhte ai pawha a rapthlak zawk thu a sawi.

Stiller hian President Volodymyr Zelensky chu an ram khawpui Kyvi-ah hmuin, UNHCR palai a nihna angin raltlan chhawmdawlna tur kawngte a sawipui bakah Zelensky chu a ‘hero’ a nih thu a hrilh.

Anni pahnih hi film lama mikhual lo an ni a, an inngaina nghal hle.

“An ram thlang lamah chuan chuti vakin a hriat lem lova, a muanawm anreng. Zan lamah curfew an puang a ni deuh mai a, a reh.

“Liv khawpuia chengte tan nunphung a pangngai viau na a, Kyiu khawpui kan hnaih deuh deuh hnuah leh an ram chhak lam kan hrut chinahchuan roadblock a tam chho nghal a, chhiatna hmuh hrehawm tak tak a intlar phei nghal deuh mai. Hnai setsawta chhiatna han hmuh chuan rilru a khawih duh ngei mai,” tiin Stiller hian BBC a hrilh.

Lemchan khawvela hriatlar ni bawk hian, “Actor ka nih angin ka thil hmuh vawikhatnaah te chuan, ‘Ehe.. movie a va’n ang ve..’ ka ti deuh mai a. Mahse, a nihna takah chuan chhiatna kha a rapthlak hle. A tak a ni bawk nen, rilru a hnuai duh ngei mai,” a ti bawk.

Leave a Reply

Your email address will not be published. Required fields are marked *

error: Content is protected !!