India ram puma in tinin tui thianghlim in tur pek kalpuinaa thawk tha state pasarih thlan chhuah state pasarih zinga hmarchhak state – Arunachal Pradesh, Manipur, Meghalaya, Mizoram leh Sikkim chu tel vein 2020-21 Jal Jeevan Mission (JJM) – Har Ghar Jal hnuaiah incentive grant an dawng.
Union Jal Shakti ministry chuan incentive grant pekna tur hi pawmpuiin kum 2024-a thingtlang in tina tui thianghlim in tur tumna kal zel a ni.
Incentive grant dawng tur hian a tak leh sum lama JJM hnuaia thawk tha nih a ngai a. Pipe hmanga tui lakna kalpui tha leh fund hmuh hmang tha hnenah pek thin a nih thu Jal Shakti ministry chuan thuchhuah a siamah a tar lang.
Union Jal Shakti Minister Gajendra Singh Sekhawat chuan state pasarih hnenah Rs. Vaibelchhe 465 pek an ni dawn tih sawiin hmarchhak state panga bakah Gujarat leh Himachal Pradesh an tel.
“Covid-19 hripuiin min nuai leh inkharkhipin min tihbuai karah, Jal Jeevan Mission chu chak taka kalpui niin kum liam ta chhungin thingtlang in vaibelchhe 3.16 hnenah tui herh haw theih pek hman an ni,” tiin ministry chuan a tar lang.
Tun dinhmunah hian Andaman & Nicobar Islands, Goa leh Telangana chu ‘Har Ghar Jal’ state/ UT niin district 55 leh khaw 85,000-ah in tinin tui herh haw tur an nei vek tawh niin ministry chuan a sawi bawk.