Mizoram volleyball-ah Hunthar an lal a, rampum huapa intihsiakna lian berah champion ni turin Inrinni zanah Khawhai an hneh. D3 Amrit Cement 22nd Inter Branch YMA Volleyball Tournament 2022-ah Hunthar Veng an champion.
R. Dengthuama Indoor Stadium-ah mipa team 104 inelna a champion ni turin volleyball thiam veng Hunthar leh team tha tak nei Khawhai te Inrinni zanah an inkhel a. 25-21, 25-19, 16-25, 15-13 in Hunthar in hnehna an chang.
Hunthar hi CYMA Volleyball inelnaah vawi thum an champion-na a ni a. Central YMA volleyball chanchin a record nei tha ber an ni mek.
Final inkhelah Hunthar tan Remsangzuala a pawimawh hle a. Inkhel boruak sangah ani bakah tawnhriat nei tha setter Laldawngliana ten an team an kaihruai tha a. Hnehna an chan theih chhan a ni.
Khawhai an beidawng lova, an boruak tihniam thei tura referee thutlukna an lama a kal lo an nei chungin set thumnaah hneh takin an tho a. A tawp erawh an khar tha thei lo.
Zirtawpni zanah hmeichhe final khelh a ni a, hmeichhe team tha ni reng thin Bungkawn in a vawi sarihna atan champion trophy an chawi.
Final inkhelah hian Bungkawn in Kolasib Diakkawn chu 23-25, 25-17, 25-17, 25-22 in an hneh.
Final nih tling inkhel hmuhnawmah Kolasib in set hmasa la mahse Bungkawn ‘comeback’ a ropui.Mipa final:
Hunthar 3-2 Khawhai
25-21, 25-19, 16-25, 22-25, 15-13 (3-2)
PoM : Remsangzuala, Hunthar
Champion : Hunthar, Rs. 50,000/- Trophy, Medal, Certificate
Runners’ up : Khawhai, Rs. 25,000/- Trophy, Medal, Certificate
Semi Finalist : Chhinga Veng & Zawlnuam Vengpui – Rs 5,000/-
Quarter Finalist : Tlangsam, Khawbel, Kulikawn West & Maubawk – Rs. 2,000/-
Best Spiker : Saidingpuia Sailo, Khawhai
Best Setter : C. Laldawngkima, Hunthar
Best Coach : VL Malsawma, Renthlei
Hmeichhia
Bungkawn 3-1 Kolasib Diakkawn
23-25, 25-17, 25-17, 25-22
PoM : FP Lalduhkimi, Bungkawn
Champion : Bungkawn
Rs. 50,000/- Trophy, Medal, Certificate
Runners’ up : Kolasib Diakkawn
Rs. 25,000/- Trophy, Medal, Certificate
Semi Finalist : Armed Veng South & Kanan
Rs 5,000/- each
Quarter Finalist : Dawrpui Vengthar, Hlimen, Bethlehem Vengthlang & Thenzawl Field Veng
Best Spiker : F . Lalparmawii, Bungkawn
Best Setter : Lalrinzuali, Kolasib Diakkawn
Best Coach : Rohmingliana Khiangte, Bungkawn
- Mimal lawmman hian Rs 1,000/- leh Trophy a keng tel.
- Quarterfinal atangin Player of the match thlan a ni a, trophy pek zel a ni.
- Participation Prize : A tel zawng zawng hnenah Dekchi pek vek an ni.