Ferrari team principal Mattia Binotto chuan tun season chawhma lamah an team in tihsual langsar tak tak an ngah chungin team inthlak danglam an mamawh lo tih a sawi.
Italian team hian car tha leh driver tha an neih avangin season bul an tan danin beisei a ti sang a. Nimahsela team anga thutlukna siam sualte, race strategy tih fuh tawk loh te an ngah hle a. Hei vang hian an elpui Red Bull Racing chu driver leh constructor inelnaah an pha lo hle.
Hungary Grand Prix-ah pawh an thil tihdan in sawisel a hlawh nasa hle a. An driver Charles Leclerc chuan team pumpui in hma a sawn a ngai tiin a lo sawi tawh.
Binotto erawhin manganna hun a la niin a ngai lo. “Vanduai vang a ni lo chiang a, tihdanglam ngai chiam pawh a awm lo.”
“Thil hriatchian a, zirchianna neih hnu a siamthat lam a ni zawk. Pathianni a kan dinhmun khatiang a ni kha uluk takin kan enlet anga, thil awmdan a thlirlet theihna atangin kan zir vek ang. Hei hi a pawimawh. Mahse kan season pumpui thlirin season chawhma lama kan chetdan atang hian han inthlak kual chiam tur erawh a awm lo.” tiin a sawi.