Chelsea leh RB Leipzig te chuan forward Timo Werner chu Bundesliga-ah loan a a kir leh theihna tur kawng dapin inbiakna an nei.
Kum 26 mi German international hian kum 2020 khan Leipzig hi chhuahsanin Chelsea a zawm a. Premier League-ah beisei anga hun hmang lovin game 56 atangin goal 10 chauh a la khung.
Chelsea in tun nipuiah Raheem Sterling lalutin an tlarhma an tichak a, lehlamah Romelu Lukaku chu an loan bawkin an chhuahtir ve thung.
Werner pawh hi chhuahtir mai an pawi ti lova, nimahsela London club ah hian hlawh a lak hnem avangin inremna neih a la hla deuh.
Leipzig hian a hlawh ang an pek ve theih dawn loh avangin hlawh tlem zawk a la dawn a nih loh chuan Chelsea in engemaw zat an pek ve a ngai dawn a ni. Werner hi tunhnaiah Newcastle United pawhin an ngaihven a, anni pawhin a hlawh vang bawkin inbiakna an kalpui thui lo.