Haldibari-Chilahati rel kawng hawn a nih leh hnua bungraw phur rel hmasa ber chuan Bangladesh a thleng leh ta.
Rel hi Northeast Frontier Railway (NFR) hnuaia Alipurduar Division, Damdim station atanga chhuakin Chilahati station, Bangladesh hi a thleng.
Tel hian Pathianni tlai dar 4:35 khan Chilahati station hi a thleng niin NF Railway chuan a sawi.
India leh Bangladesh inkarah hian Indian Railways hi British hun lai atang tawhin a tlan tawh thin a. Kum 1947-a then darh a nih khan India leh hetih hun laia East Pakistan (kum1965 thleng) inkarah hian rel kawng pasarih a kal thin.
A hnuah hian India leh Bangladesh inkarah hian relkawng pali a kal mek a. Hengte hi Petrapole (India)-Benapole (Bangladesh), Gede (India)-Darshana (Bangladesh), Singhabad (India)-Rohanpur (Bangladesh), Radhikapur (India)–Birol (Bangladesh) te an ni.
Haldibari-Chilahati rail link hi December 17, 2020 khan hawn tan niin rel kawng pangana a ni a. Tun hma pawhin he rel kawng hi hman reng thin a ni a, kum 1965 khan tihtawp a ni.