Newcastle United chuan Leicester midfielder James Maddison chu a club hnenah a vawi hnih nan lei an dil.
Leicester City hian Pound maktaduai 40 a lei dilna an lo hnawl tawh a. An manager Brendon Rodgers chuan kum 25 mi England international hi an zawrh loh thu a lo sawi tawh.
Magpies in an dil nawnna hi Pound maktaduai 50 tling lo deuh nia ngai a ni thung a, inremna neih theih Newcastle hian an beisei hle.
Saudi sum hmanga hausa Newcastle United manager Eddie Howe chuan Hugo Ekitike an lakluh theih loh avangin tlarhma lama duhthlan tur neih belh a duh a, Leicester City a kum hnih contract la nei attacking midfielder sawm luh theih a inbeisei hle.
Club neitu thar hnuaiah Newcastle hian an tlarhma a khel turin Burnley atanga an lo lakluh tawh Chris Wood bak mi thar an la lalut lova, tun nipuiah player pathum an lalut tawh.