Honda chuan Red Bull Racing chu Formula 1-ah kum 2025 thleng thawhpui turin an inremna an pawtsei.
Japanese company hian nikum khan Formula 1 a an inrawlhna hi company angin an chhuahsan a. Nimahsela an thawhpui thin Red Bull hnenah hian engine part bakah engineering lama thawkho turin inremna an nei a, kum 2023 thleng thawkdun turin an inrem phawt.
He inremna hi kum hnih chhung pawhsei a ni a, tuna engine dan hmanlai ni mek chu thlak a nih hma zawng an thawkdun dawn.
Honda hian he thutlukna hian F1 an chhuahsan chhan chu a kalh lova, an kaldan tur a nghawng thui lo tih an sawi.
Honda Racing Corporation chuan, “Honda in F1 a chhuahsan khan hmalam huna company in boruak tana tha zawka hmalak a tumna kawngah nasa takin awmzia a nei a. Tuna inremna kan neih hi heng hmalakna te nghawng lovin a kalpui zel theih.” an ti.