Aizawl : PC party-in “Suma talbuai Mizoram sorkar kan dem” an ti a. “Kum 35 liamtaa, Brig. T. Sailov kaihhruai PC sorkarin, sorkar laipui sum ringawta innghat lova kawlphetha chakna hmanga ram intodelh kan nih ve theihna tura thui tak hma a lo lak tawh Congress leh MNF party-in sorkarna an inchanchhawk chhunga an hlamchhiah avanga Mizoram sorkar hi suma talbuai taah kan ngai” an ti bawk.
PC party chuan MNF leh Congress sorkar lo awm tawh te chu Mizoram leilung hausakna hmanga ram intodelh tumna kaw- nga ke pen aia mahni leh party hmakhawngai zawkah an puh a. Anmahni avanga Mizoram sorkar sum dinhmun pawh derthawng taka awm reng nia an ngaih thu leh thanatthlak an tih thu an sawi.
"Tun ang dinhmuna kan kal zel chuan kan ram hian dinchhuah ni hmel a hmu ngai dawn lo" PC party chuan an ti a. "Kan ram tluchhe mek tungding leh tur hian PC party policy leh programme, economic policy, 'Khawl hnuh hmasawnna' tihhlawhtlin a ngai" an ti bawk a ni.