Aizawl : MZP Hqrs., Mamit-in tunhnaia Mamit DIET-a thawktu engemawzat sawn chhuah an ni chu an hriatthiam loh thu an sawi a. Mamit DIET ah Lecturer dah belh turin thuneitute an ngen.
MZP Hqrs., Mamit chuan "Mamit DIET ah hian Lecturer post 15 awm tur a nih laiin, Lecturer zinga pali attached an ni a, pathum chu Aizawl DIET-ah attached niin pakhat chu SCERT-ah attached a ni a. a taka awm chu 11 chauh an ni" an ti a. Hei hi an dinhmun a nih laiin Mamit DIET atangin Lecturer 1 chu a thlaktu tur awm lova transfer a nih leh thu leh Lecturer 10 chauh an awm tawh thu an sawi.
Lecturer post hnawh- khahloh te hnawhkhah thuai ni se an duh thu MZP Hqrs., Mamit chu- an an sawi a. Lecturer sawn chhuah panga zinga pahnih tal chu attached-a Mamit-a dah tura thuneitute an phut thu leh an aiawh dah an nih dawn loh chuan transfer order pawh sorkarin sut leh nghal vek se an duh thu an sawi. Transfer order sut a nih loh chuan a tawp thlenga hma an lak tur thu MZP Hqrs., Mamit chuan an sawi bawk.